ორქიდეას სჭირდება სპეციალური ნიადაგი, რომელიც ყვავილების მაღაზიებში იყიდება. ორქიდეა საჭიროებს განსაკუთრებულ მორწყვას, ქოთნით უნდა ჩადგათ თასში,რომელშიც თბილი წყალი ასხია.ქოთანში წყალი პირამდე უნდა ამოვიდეს.გააჩერეთ დაახლოებით ხუთი წუთით,სანამ წყალს შეიწოვს,შემდეგ ამოიღეთ,დაწრიტეთ და სპეციალურ სადგამზე ან თაროზე მოათავსეთ.იშვიათად უნდა მორწყათ,მხოლოდ მაშინ,როცა მიწა გამოშრება.ზედმეტმა ნესტმა შეიძლება ფესვი დაალპოს.
ორქიდეას ფოთლების დანამვაც უყვარს,მაგრამ წყლის წვეთი ყვავილზე არ უნდა მოხვდეს,რადგან ლაქა დააჩნდება.სასურველია ყვავილს 2-3 წელიწადში ერთხელ გამოუცვალოთ ნიადაგი.
არსებობს სპეციალური თხევადი სასუქები ორქიდეასთვის. ოქტომბრიდან თებერვლის ბოლომდე არც სასუქი შეიძლება,არც ტოტის მოჭრა.სასუქიც იმავე მეთოდით უნდა მივაწოდოთ,როგორც წყალი.
ორქიდეას არ უყვარს, როცა მზის სხივები პირდაპირ ხვდება, ამიტომ იგი მზეს უნდა მოვარიდოთ.